Transcription
1
Bertrand de Simienne, seigneur de Gordes, chevalier de lordre
2
du roy, cappitaine de cinquante lances de ses ordonnances, conseillier en son privé
3
conseil et lieutenant general pour sa magesté en ce païs du Daulphiné
4
en labsance de monseigneur le prince daulphin, à monsieur de
5
Montchenu, aussi chevalier de lordre de sa magesté, salut. Attendu
6
que nous sommes advertis des desseins et entreprinses que font
7
ceulx de la novelle religion portans les armes contre sa magesté,
8
de passer deça le Rosne et tascher par tous moiens de surprandre
9
et se saisir des villes et lieux fort des environs dicelluy pour
10
troubller le repoz public et continuer leurs courses et pilleries
11
à lendroict des bons subiectz de sa magesté ; surquoy, desirant prouvoir
12
et choisir quelque bon, vaillant et esperimenté personnage à nous
13
feable, pour rompre leurs entreprinses et sopposer audit passage
14
où ilz le vouldriont entreprandre, nous, à ces causes, pour la
15
congnoissance que nous avons de voz sens, vertu, fidellité, preudhommie
16[barré : et ] bonne dilligence et conduicte dont nous ne scaurons faire
17
meillieur ellection, vous avons commis, ordonné et depputé comme
18
par ses presantes nous commettons et depputons pour, en nostre absance,
19
commander aulx vallées de deça le Rosne et à tous les lieux des
20
environs dicelluy pour, en cas de necessité, vous opposer et empescher
21
ledit passage, commandant aulx cappitaines qui seront dedans et
22
aulx manans et habitans diceulx de vous suivre et prandre les
23
armes pour empescher ledit passage et generallemant faire tout ce
24
que par vous leur sera ordonné et commandé pour vous y obéir,
25
tout ainsi quilz feront à nous mesmes si nous y estions presant
26
et avec la mesme authorité, ce que nous leur enjoignons
27
à tous très expressemant de faire et voulons y estre par vous
28
contrainctz comme pour le bien du service du roy et soulagemant du
29
païs, car de ce faire vous avons donné et donnons plain pouvoir,
30
puissance, mandement et commission ; mandant en oultre à tous justissiers,
31
officiers et autres subiectz de cedit gouvernemant ; en ce faisant vous
32
obéyr sur peyne destre declarés rebelles et desobeissans à sadite
33
magesté et à nous et destre pugnis et chastiés exempllairemant.
34
Donné soubz le seing et le scel de noz armes etc ...